Krödde Nr.1
Krödde Nr.99
Krödde Nr.120
t Begun
In 1981 staken Willem de Lange, Henk Scholte, Fokko Veldman en Hanny Diemer koppen bie nkander om te kieken of der plak was veur n nij Grunneger tiedschrift. Frits Pleiter wol ook wel mitdoun en zo ging t oan. In meert 1982 was t zover: t eerste nummer kwam op d'wereld mit n knaloranje veurkaande in jugendstiel, moakt deur Hanny Diemer (boven, Nr.1). En t haitte Krödde. In dij begunjoaren wuir Krödde drokt in Hamburg onder laaiden van Gerd Spiekerman.Al n joar loater wer duudlek dat t tiedschrift beter onderbracht worden kon in n stichten. Op 23 meert 1983 wer stichtensakte taikend deur notaris mr. W.G. Rinsma in Zuidbroek.
Veural deur toudoun van Kees Visscher kreeg t tiedschrift in 1985 n nij jaske (boven, Nr.99) en wuir t van nou òf drokt deur Henk Bartelds in Eexterveenschekanaal.
Wim de Lange bleef tot t midden van 1985 bie Krödde en in loop van 1987 wuir zien plak innomen deur Eddie de Jonge. Dij zat in redaktie totdat t in 1991 nait meer te doun was noast zien drokke waark. Om net zukse reden mozzen in 1995 ook Henk Scholte en Fokko Veldman der mit opholden, mor gelukkeg wollen n joar loater Anneke Krijgsheld en Willem Hartholt d'open plakken in redaktie wel opvullen.
n Vrizze wind
In 2007 wuiren Hanny en Frits baaident 65 en haren ze intied 25 joar laank tied en energie in Krödde stoken. Ook ons drokker ging mit pensioun, dat zodounde was t hoog tied om der mit op te holden. Vanòf 2008 was der n nije ploug aan t waark:- Jan Glas
- Willem Hartholt
- Henk Kloosterman
- Anneke Krijgsheld